ՎԲԿ-ում բուժառուի բրոնխից օտար մարմին է հեռացվել՝ առանց վիրահատական միջամտության

Բուժառուն դիմել է ՎԲԿ՝ գանգատվելով դժվարաշնչությունից, թթվածնի պակասի զգացումից և կրկնվող հազից, որն ուղեկցվել է արյունային արտադրությամբ։

Կրծքավանդակի օրգանների ռենտգեն հետազոտությամբ հայտնաբերվել է օտար մարմին՝ աջ միջանկյալ բրոնխում։

ՎԲԿ-ի կրծքային և թոքային վիրաբույժ Վահե Սալնազարյանը բարձր մասնագիտական պատրաստվածությամբ և ժամանակակից սարքավորումներով իրականացրեց ֆիբրոբրոնխոսկոպիա, որի շնորհիվ օտար մարմինը հաջողությամբ հեռացվեց։

Վանաձորի բժշկական կենտրոնում ֆիբրոբրոնխոսկոպիան կիրառվում է և՛ ախտորոշիչ, և՛ բուժական նպատակներով՝

բիոպսիա

օտար մարմինների հեռացում,

բրոնխների և շնչափողի ստենտավորում,

էնդոբրոնխիալ փականների տեղադրում,

էնդոբրոնխիալ գոյացությունների հեռացում։

ՎԲԿ-ն ապահովում է արագ արձագանք, հուսալի միջամտություններ և մասնագիտական խնամք՝ Ձեր առողջության պահպանման համար։

Խորհրդատվության և հետազոտման համար այցելեք Վանաձորի բժշկական կենտրոն կամ զանգահարեք՝

098 24 28 24 (բժիշկ Սալնազարյան)։